ཁྲིམས་སྲུང་འགག་པའི་ སྙན་ཞུ་དང་འཁྲིལཝ་ད་ རྐྱེན་ངན་དེ་གི་སྐོར་ལས་ མི་ཅིག་གིས་ དྲོ་པའི་ཆུ་ཚོད་༡༢ དང་ སྐར་མ་༤༠ དེ་ཅིག་ཁར་ འགྲུལ་འཕྲིན་ཐོག་ལས་ སྙན་ཞུ་འབད་དེས་ཟེར་ཨིན་མས།
རྐྱེན་ངན་བྱུང་སའི་ ས་གནས་དེ་ ལོད་སྦིས་ས་ལས་ ཐིམ་ཕུ་ཁ་ཐུག་ ཀི་ལོ་མི་ཊར་༥ དེ་ཅིག་གི་ས་ཁར་ བྱུང་ཡོདཔ་ད་ ཚེ་འདས་ཕོ་སྐྱེས་དེ་ ཐིམ་ཕུ་ལས་ སྤུ་ན་ཁ་ བསམ་སྡིངས་ཁ་ལུ་ གཞུང་དོན་ལུ་ འགྱོ་བའི་བསྒང་ཨིན་པས།
ཚེ་འདས་ཕོ་སྐྱེས་དེ་ རྒྱལ་གཞུང་རང་བཞིན་སྲུང་སྐྱོབ་ཚོགས་སྡེའི་ ཞིབ་འཚོལ་འགོ་དཔོན་ལས་རོགསཔ་ཨིན་པས།
དེད་གཡོགཔ་གིས་ ཁྲིམས་སྲུང་འགག་པ་ལུ་ སྙན་ཞུ་འབད་མི་དང་འཁྲིལཝ་ད་ གདོང་ཕྱོགས་ལས་ སྣུམ་འཁོར་ཊི་པར་ཊཱག་ཅིག་ འོང་མི་དེ་ལས་ ཟུར་འགྱོ་བའི་སྐབས་ལུ་ བྱུང་ཡི་ཟེར་ཨིན་པས།
ས་གནས་ཀྱི་ ཉེ་འདབས་ལུ་སྡོད་མི་ ཕོ་སྐྱེས་ཅིག་གིས་ སྣུམ་འཁོར་རྦོབ་རིལ་བའི་ སྐད་གོ་སྟེ་ གླ་འཁོར་བཏང་མི་ཅིག་ལུ་ བརྡ་སླབ་པའི་ཤུལ་ལས་ གླ་འཁོར་བཏང་མི་དེ་གིས་ དེ་འཕྲོ་ལས་ དེད་གཡོགཔ་དེ་ འཐུ་འབག་སྟེ་ སྤུ་ན་ཁ་ རྫོང་ཁག་སྨན་ཁང་ནང་ བསྐྱལ་ཡོདཔ་ཨིན་པས།
ཚེ་འདས་ཀྱི་ཕུངམ་དེ་ དྲོ་པའི་ཆུ་ཚོད་༢ དེ་ཅིག་ལས་བརྒལ་ བཏོན་མ་ཚུགས་ཟེར་ ཁྲིམས་སྲུང་འགག་པ་གིས་ སླབ་ཡོདཔ་ད་ དེ་ཡང་ རྐྱེན་ངན་བྱུང་སའི་ ས་གོ་ནང་ བྱག་ཡོདཔ་ལས་ ལཱ་ཁག་བཏང་ཡི་ཟེར་ཨིན་པས།
ཚེ་འདས་ཕོ་སྐྱེས་དེ་ པདྨ་མ་དགའ་ཚལ་ རྩེ་བར་ལས་ཨིནམ་ད་ ཁོ་ལུ་ ཨ་ལུ་༣ ཡོདཔ་ཨིན་པའི་གནས་ཚུལ།
སྤུ་ན་ཁ་ལས་ བསྟན་འཛིན་རྣམ་རྒྱལ།
No comments:
Post a Comment